Amérika yene «yette meydan urush»qa duchar bolidu

Amérika yene «yette meydan urush»qa duchar bolidu


Rosiyidiki «xewerler géziti» élan qilghan bir maqalide mundaq diyildi: rosiye aqillirining jemgahi-«istiratégiye we medeniyet fondi jem'iyiti» yéqinda élan qilghan doklatta mundaq qarash otturigha qoyuldi: amérika pat kelgüside herbiy, siyasiy we iqtisadiy sahelerde az bolghandimu yene yette meydan «urush»qa duchar bolidu.

1. «urush» noqtisi: amérika bilen mékisikining chégirisi eng tereqqi qilghan kapitalistik dölet bilen tereqqi qiliwatqan döletler qattiq toqunishidighan zidiyet rayoni bolup qalidighandek turidu, amérika armiyisining iraq we afghanistandin kéyinki eng chong qanliq jeng meydani mushu yer bolup qalidighandek qilidu.

2. «urush» noqtisi: eger awstiraliye bilen qattiq detalash qiliwatqan hindinoziye ghezeplinidighan bolsa, choqum nechche yüz béliqchi paraxotigha nechche ming béliqchini olturghuzup, awstiraliyining shimaliy rayonigha chiqiridu, bu ikki dölet arisidiki keng kölemlik toqunushqa choqum sewebchi bolidu. Yaponiye éhtimal yeng ichide hindinoziyini qollap, amérika armiyisining orunlashturush muhim noqtisining jenubi asiyadin gherbiy ténich okyan'gha yötkelgenliki sewebidin peyda bolghan boshluqni toldurushqa urunushi mumkin, shunga amérika armiyisi bu toqunushqa choqum arilishidu.

3. «urush» noqtisi: eger amérikining herbiy küchi chawshyenni basturushqa yetmise, emma shundaq turupmu yaponiyining arilishigha yol qoymisa, yaponye choqum kunlerning biride amérikini zéminidin qoghlap, mudapi'e ishlirida musteqilliq dewasi qilidighanliqi éniq, bu chaghda toqunush bolmaydu, dégili bolamdu?

4. «urush» noqtisi: ereb elliri haman bir küni isra'iliyige qorshap hujum qilidu, isra'iliyining dölet zémini aran 10 ming kwadrat kilométir, istiratigilik shara'iti yoq diyerlik, shunga u yadro quralini ishlitishtin awwal, amérika choqum qol tiqidu.

5. «urush» noqtisi: eger en'giliye yawru rayonigha kirse, tereqqi tapqan pul-mu'amile mehsulatliri choqum yawru rayonigha arqa tirek bolidu . Bu chaghda amérika dolliri yawro bilen xelq pulining qosh zerbisige uchraydu. Bu zerbe choqum amérikini tewrenmes ittipaqdishi en'giliyidin yüz örüshke mejburlaydu.

6. «urush» noqtisi: amérikining xarablishishi bilen kanada choqum bashqa chiqish yoli izdeydu, biraq amérika buninggha aldirap yol qoymaydu.

7. «urush» noqtisi: rosiyining herbiy küchi alliqachan latin amérikisidiki kuba bilen winsu'ilagha kirip boldi; Bu choqum amérikining yürikidiki chong yara, amérika choqum bu yarigha dawa izdeydu.

«dölet mudapi'e waqit géziti»din terjime qilindi.
«ürümchi kechlik géziti»ning 2009-yilliq 7-aprél sanidin ilindi.