Din'gha haqaret qilish jinayet emesmu?

Toluq Teksti



Din'gha haqaret qilish jinayet emesmu?


Gollandiye aliy soti «insanlargha haqaret qilish jinayet, biraq herqandaq bir din'gha haqaret qilish jinayet emes» dep höküm chiqardi


(2009-03-13)türkiye awazi radi'osi xewiri:

Gollandiye: din'gha haqaret qilish jinayet emes.
Gollandiye aliy soti islam dinigha haqaret qilghan bir kishige munasiwetlik déloda «insanlargha haqaret qilish jinayet, biraq herqandaq bir din'gha haqaret qilish jinayet emes» dep höküm chiqardi.

Gollandiye aliy sotining islam dinigha haqaret qilghan bir kishining délosigha munasiwetlik chiqarghan qarari keng jama'etchilik teripidin ghulghula qozghaydighandek qilidu.
Bu ejeblinerlik qarari bilen gollandiye aliy soti «islam dinigha haqaret qilish»qa yol qoyghan boldi.
Bu weqening arqa körünüshi mundaq bolup, marakeshlik bir kishi dé'o wan gogh isimlik bir kishi teripidin «musulmanlargha haqaret qilghan» dep öltürüwétilgen. Weqedin kéyin, gollandiyilik bir kishi öyining derizisige «islam dégen bu mikropni yoqitayli» dégen xetler yézilghan wiwiskini asqanidi. Kéyin bu kishi «dini itiqadiy tüpeyli insanlargha haqaret qilghan» dégen jinayet bilen eyiblen'gen, shuning bilen bu déloni gollandiye aliy soti tekshürüshke bashlighanidi.
Sot déloni tekshürüp chiqqandin kéyin délo heqqide qarar chiqirip, «insanlargha haqaret qilish jinayet, biraq herqandaq bir din'gha haqaret qilish jinayet emes» déyish arqiliq islam dinigha haqaret qilghan mezkur kishining gunahsiz ikenlikini élan qildi.
Gollandiye aliy sotining hökümnamiside mundaq déyildi: «herqandaq bir kishi birer din'gha haqaret qilghan bolsa, bu uning jazalinishi üchün yéterlik seweb bolalmaydu; Shu din'gha étiqad qilghuchilar, özlirini haqaretke uchrighan dep qarighan teqdirdimu yenila netije oxshash»
Gollandiye aliy sotining bu qararidin kéyin, gollandiye ong qanat höriyet partiyisi rehbiri gyért wéldérs üchün bir ümid yultuzi tughulghan boldi.
«Qur'an kerim»ge we musulmanlargha qarita haqaret tüsini alghan «pitne» namliq filim körsitilishke bashlighandin kéyin, wéldérs heqqide «kishilerni musulmanlarni öch körüshke teshwiq qilghan we ularni kemsitken» dégen jinayet bilen sot échilghanidi.

***********************