wang léchüen mundaq dédi:

«Shinjangdiki nuqtiliq qurulushlargha ishchi qobul qilghanda yerlik déhqan ishlemchiler yérimini igilishi shert»


shinjang uyghur aptonom rayonluq partkomning shujisi wang léchüen yerlik déhqanlarning yötkilip kirimini ashurushini ilgiri sürüsh üchün yéqinda mundaq dédi: «buningdin kéyin, aptonom rayonimizdiki barliq nuqtiliq ul mu'essese qurulushlirigha ishchi qobul qilishta yerlik déhqan ishlemchiler yérimini igileshke choqum kapaletlik qilip, ul mu'essese qurulushini shinjangning yéziliridiki éshincha emgek küchlirining yötkilip ishqa orunlishishini ilgiri süridighan supigha aylandurush kérek».
Igilinishiche, aptonom rayon buyil 170 nuqtiliq türni deslepki qedemde pilanlap orunlashturghan, buning ichide 26 türde yéngidin ish bashlan'ghan bolup, uninggha 90 milyard yüendin artuq meblegh sélin'ghan.
Bu nuqtiliq türler suchiliq we qatnash sahesige merkezleshken bolup,
suchiliq jehette
tarim deryasi hewziside töwen beldir suchiliq tügüni qurush,
ibnur kölining ékologiyilik muhitini asrash türining aldinqi basquchluq xizmetlirini ilgiri sürüsh,
jintoghraq suchiliq tügüni qurulushini bashlash qatarliqlarni öz ichige alidu;
Tömüryol jehette:
jing-ghulja-qorghas tömüryoli,
küytün-béytün tömüryoli,
qeshqer-xoten tömüryoli,
jyayüguen-alataw porti tömüryoli (éléktrleshtürüp özgertish) qatarliq 15 tömüryol yasilidu;
Tashyol jehette: yasiliwatqan dölet yoli ghol liniyisi we dölet téz sür'etlik yol toridiki yuqiri sür'etlik yollarning yasilish sür'iti tézlitilidu;
Awi'atsiye jehette: turpan ayrodromi qurulushi, kucha ayrodromi köchürüsh, ghulja ayrodromini özgertish, kéngeytish qatarliq türler bar.
Shinjang uyghur aptonom rayonluq partkom, xelq hökümitining «yéza islahati we tereqqiyatini yenimu ilgiri sürüsh toghrisidiki pikri»de mundaq körsitildi: «déhqanlarning yerliktiki asasiy qurulush, mulazimet kespi we emgek köjümleshken karxana qatarliq ishqa orunlashturush sighimchanliqi zor bolghan sahelerge kirip kirim qilishini nuqtiliq qollash; Déhqanlarni tériqchiliqtin tériqchiliq–baqmichiliq, xas baghwenchilik, eslihelik yéza igilikige yüzlinishke, yéza igilikide, yézilarda ishqa orunlishishtin déhqanchiliqtin bashqa kesiplerde, sheher–bazarlarda ishqa orunlishishqa yüzlinishke, pesillik ishlepchiqirishtin yilliq muqim ishqa orunlishishqa yüzlinishke righbetlendürüsh kérek»
«pikir»de mundaq déyildi: «buningdin kéyinki ikki yilda her yili shinjangdiki 300 ming yéza emgekchisining muqim yötkilip ishqa orunlishishigha, yilda ottura hésab bilen 1 milyon 500 ming adem (qétim)din artuq déhqanning ishlemchilik qilip pul tépishigha kapaletlik qilish kérek»
shinjang uyghur aptonom rayonluq emgek we ijtima'iy kapalet nazariti, shinjang uyghur aptonom rayonluq bash ishchilar uyushmisi, shinjang uyghur aptonom rayonluq ittipaq komitéti, shinjang uyghur aptonom rayonluq ayallar birleshmisi 16-féwral birlikte «bahar shamili-ish orni bilen teminlesh» pa'aliyitini resmiy bashlidi, bu pa'aliyet jeryanida ish izdewatqan déhqan ishlemchiler üchün 150 nechche meydan(qétim) chong tiptiki ishchi qobul qilish-teklip qilish pa'aliyiti heqsiz uyushturulup, 148 ming ish orni heqsiz teminlinidu.
Pa'aliyet jeryanida, aptonom rayonimizdiki jaylar her derijilik jama'et ish tonushturush apparatliri, yéza (bazar)liq emgek we ijtima'iy kapalet apparatliri, bazar, béket, shinjanggha kiridighan poyiz qatarliq déhqan ishlemchiler toplashqan sorunlarda«bahar shamili kartisi», «ishlemchilik yétekchisi»qatarliq uyghurche, xenzuche teshwiqat matériyallirini heqsiz tarqitip, sheherge kirip ishleshtiki asasiy sawatlar, jama'et ish tonushturush apparatliri bilen alaqilishish usuli, puqrawi kesip tonushturush apparatlirining tizimliki, hoquqni qoghdashta diqqet qilidighan ishlar, pash qilish téléfoni, sheher, bazarlarning turmush bixeterliki sawatliri we emgekchi éhtiyaji qatarliqlarni nuqtiliq tonushturidu.
Bu yilqi «bahar shamili ish orni bilen teminlesh»pa'aliyitining mulazimet obyékti asasen sheherge kirip ishlimekchi bolghan yaki sheherde ishlewatqan yéza emgekchiliri, muhim nuqtisi pul mu'amile krizisining tesirige uchrap, ishsiz qélip yurtigha qaytqan déhqan ishlemchiler, yéri élin'ghan déhqanlar we tebi'iy apetning tesirige uchrighan déhqan-charwichilar bolidu.
Shinjang uyghur aptonom rayonluq emgek-ijtima'iy kapalet nazaritining naziri xuang yü mundaq dédi: «bultur shinjangdiki 160 mingdin artuq yéza emgekchisi ichki ölkilerge ishligili barghan, pul-mu'amile krizisining tesirige uchrap, yil axirida 80 mingdin artuq déhqan ishlemchi shinjanggha qaytti; Shuning bilen bille, ichki ölkilerdiki qismen ottura, kichik karxanilarning arqa-arqidin weyran bolushigha egiship, ichki ölkilerdiki déhqan ishlemchilerning sherqiy jenubtiki déngiz yaqisi rayonliridin gherbiy rayon'gha yötkilish yüzlinishi nahayiti roshen boldi, bu yil sirttin kelgen déhqan ishlemchilerning omumiy sani bir milyon 200 ming kishidin éshishi mumkin. Bu yil shinjangning ishqa orunlashturush bésimi ashidu, déhqan ishlemchilerni burunraq, tézrek ishqa orunlashturush üchün, jezmen téximu köp ish orunlirini barliqqa keltürüshimiz kérek»

Menbe: Junggo koministik partiysi-shinjang géziti
*********************