Dunyadiki on meshhur ayal siyasiyon

Hilari klinton

Wezipisi: amérika dölet ishliri katipi.
Hilari 1947– yil 9– ayning 26– küni amérikining chikago shehiride tughulghan, ösmürlük chaghliri bextlik ötken. u kichikidinla a'ilisi we xizmitige sadiq bolush üchün asas salghan hem awam üchün xizmet qilish éngini turghuzghan. U 1975– yili yalé qanun inistitutida oquwatqanda mektepdéshi bil klinton bilen tonushup, uning bilen toy qilghan. Klinton zongtungluq wezipisidin qalghandin kéyin, hilari siyasiy ishlargha pa'al qatnashqan. 2000– yili nyu–york shitatining kéngesh palata ezasi bolup, amérika tarixida hökümette emel tutqan tunji sabiq «1– xanim» bolup qalghan.


Joxanna sigurdar dottir

Wezipisi: islandiye ötkünchi hökümetning zunglisi. 66 yashliq joxanna sigurdar dottir islandiyide jama'etning eng qarshi élishigha érishken yuqiri derijilik hökimet emeldari. Jama'et uni «muqeddes joxanna» dep ataydu, uning ijtima'iy ishlar ministirlikide wezipe ötigen chaghlirida méyipler, yashan'ghanlar we ajizlarning hoquq–menpe'etige kapaletlik qilish jehette utuq qazan'ghanliqini teripleydu. Joxanna özining xoznixan(hemjinis ) ikenlikini tunji ashkarilighan ayal hökümet bashliqi. U 2002– yili mexsus ston yazghuchisi yönina léz dottir bilen toy qilghan.


Anjéla mérkél

Wezipisi: gérmaniye zunglisi. Mérkél 1954– yili 6– ayning 17– küni gérmaniyining hamburg shehiride tughulghan. Kéyin gérmaniyining sherqige köchüp olturaqlashqan. 1989– yili bérlén témi örüwétilgendin kéyin, mérkél siyasiy pa'aliyitige pa'al atlinip, sherqiy gérmaniyidiki «démokratik qed kötürüsh» teshkilatigha qatnashqan, kéyin yene sherqiy gérmaniye dewridiki axirqi hökümetke kirip eyni chaghdiki zunglining bayanatchisi bolghan. Mérkél yene ayallar we yash–ösmürler ministiri we muhit ministir bolghan, 2005–yildiki gérmaniye fédératsiyisi zungli saylimida köp awaz bilen zungliliqqa saylinip, gérmaniye tarixidiki tunji ayal zungli bolghan.


Élzabét Ⅱ

Wezipisi: en'gliye ayal padishahi. Élzabét Ⅱ ning toluq nami «büyük brétaniye we shimaliy irélandiye birleshme padishahliqi hem bashqa dölet zémin we mustemlikilerning ayal padishahi, fédératsiye bashliqi». U 1926– yili 4– ayning 21– küni londonda tughulghan. Esliy ismi élzabét aliksandéra mari, u en'gliye wéndsor xanliqining 4– ewlad padishahi, en'gliye padishah jorjiⅥning chong qizi. Élzabét Ⅱ 1951– yildin bashlap en'gliye padishahi jorji Ⅵge wakaliten herxil resmiyi sorunlargha qatnashqan, 1952 – yili texitke waris bolghan. Ayal padishah en'gliyining dölet bashliqi, shundaqla yene en'gliyidin bashqa awstraliye, yéngi zélandiye, kanada qatarliq döletlerningmu dölet bashliqi.


Kondoliza ra'is

Wezipisi: amérikining sabiq dölet katipi. Ra'is sabiq klinton hökümiti dewridiki albrayttin kéyin amérika tarixida dölet katipi bolghan 2– ayal. Amérika zungtungi bush uni «dunyadiki eng hoquqluq ayal» dégen. Gerche u amérikining dölet katipiliq wezipisidin qalghan bolsimu, uning jezbidarliqi we tesir küchi yenila ajizlashqini yoq.


Kristina férnandéz

Wezipisi: argéntina zungtungi. Kristina 1953– yil 2– ayning 19– küni bu'énos–ayrés ölkisidiki laplata deryasi wadisidiki adettiki a'ilide dunyagha kelgen. Oquwatqan chéghida u néstor kir chnér bilen muhebbetleshken hem 1975– yili toy qilghan. Kristina 1983– yili siyasiy sahege qedem qoyghan, töt qétim fédératsiye parlaméntining ezasi bolghan. 2007– yili 7– ayda kristina hakimiyet yürgüzüsh ittipaqi– «ghelibe sépi»ning zungtung namzati bolghan hem %46 awazgha ériship ghelibe qilip, argéntina tarixidiki xelq saylighan tunji ayal zungtung bolghan.


Yuliye timoshénko

Wezipisi: ukra'ina zunglisi. Ukra'inada kishiler timu shénkoni «sumurugh» dep teripleydu. Timushénko 1960– yili ukra'inaning sherqiy sana'et rayonidiki dnérpérodzrézhinsk shehiride dunyagha kelgen. U ukra'inadiki «gilreng inqilab»ta muhim rol oynighachqa «gilreng inqilabtiki fransiyilik zhénni» dep teriplen'gen. «forbés» zhurnili uni «dunyadiki chong hoquqni igiligen 3– ayal» qatarigha kirgüzgen, kanadaning «dunya pochtisi géziti» uninggha «siyasiy sahediki sahibjamal» dep baha bergen.


Kaméko chakon

Wezipisi: ispaniye dölet mudapi'e weziri. Kaméko chakon ispaniye tarixidiki tunji ayal dölet mudapi'e weziri, shundaqla eng köp talash–tartish qozghighan ayal. Chakon ichki kabinétta turalghu weziri bolghan, dölet mudapi'e weziri bolghan chéghida qorsiqidiki balisi yette ayliqtin ashqan bolup, «hamildar dölet mudapi'e weziri» dep atalghan. Chakon ispaniye armiyisidiki 130 ming eskerning qomandani bolupla qalmay, yene ispaniyining mexpiy axbarat orgini CNI ningmu mes'uli. Herqaysi tereplerdiki zatlar «hamildar ayal mushundaq éghir wezipining höddisidin chiqalarmu?» dep endishe qilghanidi. Emma chakon qorsiqini tompaytip tuyuqsiz afghanistanda ziyarette bolup, xelq'ara jem'iyetni heyran qaldurghan.


Raniye

Wezipisi: i'ordaniye xanishi. Xanish raniye pelestinlik ewladi. 1970– yili kuweytte tughulghan. Misirning qahire uniwérsitétini püttürgendin kéyin i'ordaniye paytexti ammanda xizmet qilghan, 23 yashliq raniye melum ziyapette i'ordaniye weli'ehdisi abdulla bilen tonushup toy qilghan. Raniye awamning hörmitige sazawar bolghan, kishler uni «ereb dunyasidiki dé'anna» dep teriplishidu. Abdulla 1999– yili textke chiqqandin kéyin raniye dunyadiki eng yash xanish bolghan.


Tipi liwni

Wezipisi: isra'iliye diplomatiye ministiri. Liwni 49 yash, ilgiri meshhur jasusluq orgini «mosad»ta xizmet qilghan. 2006– yili 1– ayda isra'iliyining diplomatiye ministirlikige teyinlinip, isra'iliye tarixidiki 2– ayal ministir bolup qalghan. Axbarat wastiliri uni: «tikini bar etirgül»ge oxshatqan.


Menbe: «tengritagh tori»-(2009-03-18)
*************************************