Junggoning besh chong pen-téxnika mukapati

Junggoning besh chong pen-téxnika mukapati


Élimizning pen-téxnika ishlirigha körünerlik töhpe qoshqan shexsler, teshkilatlarni mukapatlash üchün, hökümitimiz töwendikidek besh türlük dölet pen-téxnika mukapatini tesis qilghan.

(1) dölet eng aliy pen-téxnika mukapati.
(2) dölet tebi'iy pen mukapati.
(3) dölet téxnika keshpiyat mukapati.
(4) dölet pen-téxnika tereqqiyat mukapati.
(5) jungxua xelq jumhuriyiti xelq'ara pen-téxnika hemkarliq mukapati.


Besh chong pen-téxnika mukapatini chüshendürüsh:

(1) dölet eng aliy pen-téxnika mukapati - her yili ikki kishige tarqitilidu, mukapatlan'ghuchi hazirqi zaman ilghar pen-téxnika saheside zor bösüsh hasil qilghan yaki pen-téxnika tereqqiyatida körünerlik netije qazan'ghan bolushi; Pen-téxnikida netije yaritish we yuqiri pen-téxnikini kesipleshtürüsh jeryanida zor iqtisadiy ünüm yaki ijtima'iy ünüm hasil qilghan bolushi kérek. Mukapatlan'ghuchining mukapat sommisi 5 milyon yüen bolidu.

(2) dölet tebi'iy pen mukapati - asas tetqiqat we emeliy asas tetqiqatida tebi'et hadisisi, uning alahidiliki we qanuniyitini sherhlep chiqip, ilim-pen saheside zor bayqashqa érishken kishilerge tarqitilidu;

(3) dölet téxnika keshpiyat mukapati - emeliy pen-téxnika bilimliridin paydilinip, mehsulat, hüner-sen'et, matériyal we bashqa oxshash türlerde zor téxnika keshpiyatigha érishken kishilerge tarqitilidu.

(4) dölet pen-téxnika tereqqiyat mukapati - ilghar pen-téxnika netijiliridin paydilinish we uni omumlashturush, zor pen-téxnika qurulushi, pilani, türliri qatarliq jehetlerde, zor töhpe qoshqan shexsler, teshkilatlargha tarqitilidu;

(5) jungxua xelq jumhuriyiti xelq'ara pen-téxnika hemkarliq mukapati - junggoning pen-téxnika ishliri üchün zor töhpe qoshqan chet ellikler yaki chet el teshkilatlirigha tarqitilidu.


Élimiz dölet pen–téxnika mukapati tesis qilghandin buyan aliy mekteplerning mukapatqa érishish ehwali:

Dölet tebi'iy pen mukapatida aliy mektepler 473 türde mukapatlan'ghan,
Mukapatlinish nisbiti %52.2ni igiligen.

Dölet téxnika keshpiyat mukapatida aliy mektepler 1160 türde mukapatlan'ghan,
Mukapatlinish nisbiti %36.4 ni igiligen.

Dölet pen–téxnika tereqqiyat mukapatida aliy mektepler 2893 türde mukapatlan'ghan,
Mukapatlinish nisbiti %30.1ni igiligen.


«junggo ma'arip géziti»din
«shinjang géziti»-(2009-03-16)
********************************