Barak obamaning ghalibiyet nutuqi

Barak obamaning ghalibiyet nutuqi


Barak obama amirika yerlik waqti bilen 4-noyabir kechte amirikining yéngi zungtungi bolup saylan'ghandin kéyin, chikako shehirining giland baghchisida amirika xelqige notuq sözlidi.

Töwendikisi uning ghalibiyet nutuqi:

Yaxshimusen, chikako.
Amirika her qandaq ish yüz birish ihtimalliqi bolghan jay,
Eger buningdin yene gumanlinidighanlar bolsa,
Eger amirikini berpa qilghuchilarning arzusi bizning dewrimizde yenila hayati küchke ige ikenlikidin gumanlinidighanlar bolsa,
Bizning dimokratik tüzümimizdin yene gumanlinidighanlar bolsa,
Bügün kech ular jawap tapalaydu.

Mektep we chirkawlarda ilgiri körülüp baqmighan bilet tashlash uzun qoshuni ulargha jawap biridu.
Bu dölette hichqachan bundaq köp kishi bilet tashlashqa qatniship baqmighan, kishiler 3-4 saet rette turup bilet tashlidi, chünki ular bu qétimqi awaz birishning ilgirikige oxshmaydighanliqigha ishinidu.

Bu yashlar bilen yashan'ghanlar, baylar bilen kembegheller, dimokratlar partiyisidikiler bilen jumhuriyetchiler partiyisidikiler, qara tenlikler bilen aq tenlikler, ispaniye pushtidin bolghanlar, asiyaliqlar pushtidin bolghanlar, hindianlar, miyiplar we bijirim kishiler bergen jawap.

Amirikiliqlar dunyagha uchur berdi:
Biz qizil shitat bilen kök shitatning addiy yighindisi emes, biz menggü amirika fidiratsiye jumhuriyiti.

Bu kishilerni yitekleydighan jawap. Nurghun kishiler xili uzun waqit ichide bizge bu jawapni iytqan. Bügün kechte biz saylamda herket qollanduq,
Özgirish - amirikigha yétip keldi.

(Obama saylamgha yardem bergen, qollighan kishilerni bir-birlep tilgha ilip teshekkur bildüri, bu qismi qisqartildi)

Likin hemmidin mohimi, men bu qétimqi ghelibining kimge mensup ikenlikini menggü unutmaymen.
U silerge mensüp!

Men bu urun'gha ige bolush ishenchisi eng chong namzat emes idim. Bizning saylam paaliyitimiz washin'gitonda bashlan'ghan emes, belki dimiin, kangkid, chariston qatarliq jaylardiki adettiki kishilerning öyliride bashlan'ghan. U yerdiki japakesh ishchilar özining azghine amanet pulidin 5 amirika dolliri, 10 amirika dolliri, 20 amirika dolliri iane qildi.
Bizning saylam paaliyitimiz yashlarning qollishi bilen téximu zoraydi.
Yashlar yashan'ghanlarning «yashlar siyasiygha qiziqmaydu» digen sözini ret qildi.
Ular öyliridin ayrilip maashi az hem japaliq ishlarni qilidu.
Saylam paaliyitining kölimi yene yashinip qalghanlardinmu kelgen, ular soghuqqa qarimay, natonosh kishilerning ishikini chikip saylam teshwiqati ilip barghan;
Saylam paaliyitining kölimi yene nechche milyun amirika xelqidin kelgen, ular saylamda pidaiy we teshkilligüchiler boldi.
Ular 200 yildin kiyin xelq ige bolghan, xelq idare qilidighan, xelq behrimen bolidighan hökümetning yer sharidin ghayip bolmighanliqini ispatlidi. Bu silerning ghelibenglar!

Men silerning bu tirishchanliqinglarning peqet saylam ghelibisige irishish üchünla emeslikini bilimen.
Men siler qilghan barliq ishlarning peqet men üchün emeslikinimu bilimen.
Silerning bundaq qilishinglar aldinglardiki wezipining neqeder mushkul ikenlikini bilgenliklar.

Aldimizdiki yol uzun we mushkul. Biz nishanimizni bir yil, hetta men zungtung bolghan 4 yilda ishqa ashurup bolalmasliqimiz mumkin, emma men hichqachan bügünkidek zor ümidke tolghan emes.
Biz nishanimizni choqum ishqa ashuralaymiz.
Men silerge wede birimen: biz bir pütünlik bolush süpitimiz bilen nishanimizgha choqum yétimiz.

Biz ishni ongushsizliq we meghlubiyettin bashlaymiz.
Zungtung bolush salahiyitim bilen chiqarghan herbir qarar yaki tedbirge nurghun kishiler bashqa qarashta bolishi mumkin,
Bizge ayan hökümet hemme mesilini hel qilip kitelmeydu. Emma men biz yoluqqan riqabetlerni choqum silerge eynen éytimen,
Men silerning pikiringlarni alimen, bolupmu oxshimighan pikirde bolghanda téximu shundaq qilimen.
Eng mohimi men silerdin bu döletni qayta qurushqa qatnishinglarni ötünimen.
-- Xuddi amirikining 221 yilliq tarixida qilche özgirish bolmighan shekilde:
Hemme bir niyet bir meqsette hemkarliship térishish.

Biz wetenperwerlik we mes'uliyetchanliq rohini jari qildurushimiz kirek.
Barliq kishiler buninggha qet'i qatniship, téximu tiriship ishlishi kérek,
Bu özünglar üchün. Shundaqla bashqilar üchün.
Biz bu noqtini este saqlishimiz kérek.

Bu dölette biz japa - musheqqette birge bolimiz.
Biz kona yolda qayta mingishning iziqturushigha qarshi turayli...

Saylamda manga bilet tashlimighan amirikiliqlargha shuni dimekchi:
Men silerning bilitinglargha irishelmigen bolishim mumkin,
Emma men silerning sadayinglarni anglidim,
Men silerning yardiminglerge muhtaj,
Menmu silerning zungtunginglar.

Kichiche amirika saylimigha diqqet qilghan chet'eldiki kishiler, shundaqla kishiler teripidin untulup kitilgen bulung-puchqaqlarda radio tingshap olturghan kishilerge shuni dimekchi:
Gerche bizning bishimizdin ötken ish oxshash bolmisimu, emma bizning teqdirimiz oxshash.

Amirikining yéngi rehberlik qatlimi barliqqa keldi.
Bu dunyani astin-üstün qilmaqchi bolghanlargha shuni dimekchi:
Biz silerni meghlup qilimiz.

Ténchliq we bixeterlik üstide izden'güchilerge shuni dimekchi:
Biz silerni qollaymiz.

«Amirikining mesh'ili burunqidek yorumay qalarmu?» Dep guman qilghan kishilerge shuni dimekchi:
Biz bügün kechte yene bir qitim shuni ispatliduqki:
Bizning dölitimizning heqiqi küch qudriti -- bizning qoralimiz yaki bayliq kölimimiz emes.
Belki bizning uzun muddetlik küchke ige arzuyimizdur.
U bolsimu --
Démokratiye,
Erkinlik,
Purset,
Téz pükmes ümid.
Bu amirikining heqiqi jewhiri!
Bizning amirika künsiri mukemmelleshmekte.

Bügün kiche este unutmighim tes bolghan bir ish -- atlantada bilet tashlighan bir ayal boldi.
U -- en.Nikson.Kobor.
U bilet tashlash üchün öchrette turghan nechche milyun amirika xelqi bilen perqlenmeydu.
Emma bir perq -- u bu yil 106 yashta.

U tughulghan shu dewrde qulluq tüzüm emdila ayaghlashqan bolup, kochilarda mashina, asmanda ayrupilan yoq idi.
Eyni chaghda uninggha oxshash kishilerning ikki seweptin bilet tashlash hoquqi yoq idi.
U ayal idi,
U qara tenlik idi.

Bügün kechte, men uning ötken 100 yilda bashtin kechürgen türlük kechürmishilirini oylap qaldim: azap we ümid.
Köresh we algha bésish.

U dewrde bizning bezi ishlarni qilishimiz mumkin emes idi, likin bezi kishiler amirikining eqidiside yenila ching turdi.
Shundaq, biz qilalaymiz.

Eyni chaghda ayallarning bilet tashlash hoquqi yoq idi,
Ularning ümidi meghlubiyetke uchridi,
Emma en.Nikson.Kobur -- ayallarning des turghinini körüshke muyesser boldi,
U ayallarning ornidin turup öz közqarishini bayan qilghinini kördi.
Ularning zungtung saylimigha bilet tashlighinini kördi.
Shundaq, biz qilalaymiz.

Aldinqi esirning 30 - yilliridiki qum boran we iqtisadi zawalliq kishilerni ümidsizlendürdi. Emma u döletning yéngi siyaset, yéngi ishqa orunlishish pursiti we yéngi nishan bilen wehimini birlikte yenggenlikini kördi.
Shundaq, biz qilalaymiz.

Bomba bizning portlirimizgha hujum qilip, mustebit hökümet dunyagha tehdid salghanda,
U bir ewlad amirikiqlarning ulugh bash kötürishini kördi,
Bir démokratik döletning qutquzup qilin'ghanliqining shahidi boldi.
Shundaq, biz qilalaymiz.

U kochilarda mashina qatnighanliqini, sheherlerge su turubisi ornitilghanliqini, köwrük silin'ghanliqini kördi.
Atlantadin kelgen bir din tarqatquchi kishilerge: biz qéyinchiliqlarni yingeleymiz, didi.
Shundaq, biz qilalaymiz.

Insanlar ay sharigha chiqti.
Birlin témi aghduruldi.
Dunya bizning pen - tixnikimiz we tesewwurimiz arqiliq baghlinishchan boldi.
Bu yil u kompiyutir arqiliq zungtung saylimigha bilet tashlidi.
U amirikida 106 yil yashighandin kiyin,
Eng güzel we eng qabahetlik künlerni bashtin kechürgendin kiyin,
U amirikida qandaq qilghanda özgirish bolidighanliqini bilip yetti.
Shundaq, biz qilalaymiz.

Amirika, biz uzun yollarni bésip öttuq.
Biz nurghun ishlarni bashtin kechürduq.
Emma bizning yene qilidighan nurghun ishlirimiz bar.

Bügün kechte men özümdin mundaq sualni soridim:
Eger bizning balimiz kéyinki yérim esirgiche yashiyalisa, eger mining qizim endek uzun ömür körelise, ular qandaq özgirishlerning shahidi bolar?
Biz shu chaghda qandaq ilgirleshlerni qolgha keltürermiz?

Hazir bizning bu sualgha jawap biridighan pursitimiz keldi,
Bu -- bizning waqtimiz.
Bu -- bizning dewrimiz!
Bu -- xelqimiz qayta ishqa orunlishidighan, ewladlirimizgha purset ishiki ichilghan, qayta güllinidighan, ténchliqni ilgiri süridighan, «amirika chüshi»ni qayta bikitidighan waqit.

Bu bir addi heqiqetni yene bir qétim ispatlidi:
Biz -- bir aile kishiliri.
Bizde axirqi nepes bolsila ümid bar.
Bashqilar bizni mesxire qilghanda,
Bizdin gumanlan'ghanda,
Bizni «qilalmaysiler» digende,
Biz qet'i eqide bilen ulargha jawap birishimiz kérek:
Shundaq, biz qilalaymiz.

Silerge rehmet!
Tengri silerni aman qilsun!
Tengri amirika fidiratsiye jumhuriyitini aman qilsun!

(Tügidi)

(Bu nutuq muhemmed-2008 teripidin «selkin» ge yollan'ghan)

http://news.sina.com.cn/w/2008-11-05/230916595925.shtml
(Menbe: http://bbs.salkin.cn/read.php?tid-44214.html)