Weten? Weten? Weten?

Weten? Weten? Weten?


Sadaqetjan haji



Bir parche kök tashqa oxshaydu weten.
Bir baghlam kökbashqa oxshaydu weten.
Bir tamche köz yashqa oxshaydu weten.
Baghrashqa, balqashqa oxshaydu weten.

Qurimas bulaqtur teshnaliqinggha.
Gholimas bir taghdur tenhaliqinggha.
Bipayan asmandur enqaliqinggha.
Bughdagha, baghdashqa oxshaydu weten.

Bir deste güldur u, purimaq bolsang.
Choghdur u, gülxandek yorimaq bolsang.
Danadur! sen eqil sorimaq bolsang.
Qérindash, qandashqa oxshaydu weten.

Qeside emes u, biz oquydighan.
Riwayet emes u, biz toquydighan.
Qebristan emes u, biz uxlaydighan.
Uxlimay yashashqa oxshaydu weten...

(1997 - Yil 2 - ayning 24 - küni.)
(«Ishchilar waqt géziti» 2000 - yil 23 - sintebir)
&&&&&&&&&&&&&&&&&&&&&&&&&&&&&&&