kitab. kitab. kitab

allahning peyghemberge ewetkini
kitabtur. altun emes, qoral emes.



kitab. kitab. kitab

sadaqetjan haji

allahning peyghemberge ewetkini
kitabtur. altun emes, qoral emes.
idiye xezinisi bolghan kitab,
allahning neziride eng muqeddes.

bilemsen, kitabning küch-qudritige
jahanda hichnime teng kélelmeydu.
bolmisa ademde ger ashu kitab,
alemning sirlirini bilelmeydu.

kitabta dolqunlighan idiyeler,
ademning yürikige singip kéter.
peqet shu idiyege tayansila,
adem öz sheytinini yéngip kéter.

kitabning özi altun, özi qoral.
ademler yol tapidu kitab bilen.
shu kitab yighalaydu milyonlighan
ademni bir chaqiriq, xitab bilen.

shunga sen büyük adem bolay diseng,
qolunggha kitab alghin awal bashlap.
qolungda kitab bolsa düshmenliring
bextingge kélelmeydu zawal bashlap.

1999 - yil 7 - ayning 13 - küni.
«ishchilar waqt géziti» 2001 - yil 6 - ayning 12 - küni
&&&&&&&&&&&&&&&&&&&&&&&&&&&&


كىتاب. كىتاب. كىتاب

ساداقەتجان ھاجى

ئاللاھنىڭ پەيغەمبەرگە ئەۋەتكىنى
كىتابتۇر. ئالتۇن ئەمەس، قورال ئەمەس.
ئىدىيە خەزىنىسى بولغان كىتاب،
ئاللاھنىڭ نەزىرىدە ئەڭ مۇقەددەس.

بىلەمسەن، كىتابنىڭ كۈچ-قۇدرىتىگە
جاھاندا ھىچنىمە تەڭ كېلەلمەيدۇ.
بولمىسا ئادەمدە گەر ئاشۇ كىتاب،
ئالەمنىڭ سىرلىرىنى بىلەلمەيدۇ.

كىتابتا دولقۇنلىغان ئىدىيەلەر،
ئادەمنىڭ يۈرىكىگە سىڭىپ كېتەر.
پەقەت شۇ ئىدىيەگە تايانسىلا،
ئادەم ئۆز شەيتىنىنى يېڭىپ كېتەر.

كىتابنىڭ ئۆزى ئالتۇن، ئۆزى قورال.
ئادەملەر يول تاپىدۇ كىتاب بىلەن.
شۇ كىتاب يىغالايدۇ مىليونلىغان
ئادەمنى بىر چاقىرىق، خىتاب بىلەن.

شۇڭا سەن بۈيۈك ئادەم بولاي دېسەڭ،
قولۇڭغا كىتاب ئالغىن ئاۋۋال باشلاپ.
قولۇڭدا كىتاب بولسا دۈشمەنلىرىڭ
بەختىڭگە كېلەلمەيدۇ زاۋال باشلاپ.

1999 - يىل 7 - ئاينىڭ 13 - كۈنى.
«ئىشچىلار ۋاقىت گېزىتى» 2001 - يىل 6 - ئاينىڭ 12 - كۈنى
&&&&&&&&&&&&&&&&&&&&&&&&&&&&