Jorji.W.Bushning hoquq tapshuruwilish nutqi

=700) window.open('http://upload.wikimedia.org/wikipedia/commons/thumb/1/1b/Bush_43_10-19-04_Stpete.jpg/443px-Bush_43_10-19-04_Stpete.jpg');" onload="if(this.width>'700')this.width='700';if(this.height>'700')this.height='700';" border="0">
Jorji.W.Bushning hoquq tapshuruwilish nutqi


Amérikining 43 - nöwetlik zungtungluq wezipisini tapshuruwalghanda sözlen'gen nutuq

2001 - Yili 1 - ayning 20 - küni

Jorji.W.Bush (amérika)


Jorji.W.Bush --- amérikining hazirqi zungtungi.
1994 - Yili téksas shitatining shitat bashliqi bolghan. Töt yildin kéyin yene dawamliq wezipe ötigen bolup, u mezkur shitat tarixidiki tunji uda wezipe ötigen shexstur.
U 2000 - yili 6 - ayda zungtung saylimigha qatnishidighanliqini jakarlighan hem eng aliy sotning hökümige tayinip 25 saylam béliti bilen ajiz weziyette turup tasaddipi, florida shitatidiki démokratlar partiyisidin bolghan özidin küchlük zungtung namzati gorlning üstidin ghelibe qazan'ghan.
U, ikki partiyining otturisidiki saylam jeryanida peyda bolghan nizani peseytish we xelqning rohini urghutup, rayini utush üchün kalla qaturup, söz ibariliri chirayliq, addiy hem qisqa, ittipaqliq bash téma qilin'ghan töwendiki wezipe tapshurwélish nutiqini yézip chiqqan.

Köpchilikke rehmet!
Möhtirem réyn küyst sodiye janabliri,
Zungtung kat,
Zungtung bush,
Zungtung klinton,
Hörmetlik méhmanlar, qérindashlar,
Hoqoqning bu qétimqidek tinch ötküzüp bérilishi tarixta kem uchraydighan ish bolsimu, emma bu amérikida normal ehwal hésablinidu.
Biz addiy qesimimiz bilen qedimiy en'enimizni qoghdap kelduq, shuning bilen bir waqitta yene yéngi musapimizni bashliduq.

Men aldi bilen zungtung klintonning bu döletke qoshqan töhpisige shundaqla, muawin zungtung gorlning saylam riqabiti jeryanidiki qizghinliqi we salapitige teshekkür éytimen.
Men bu yerde turghanliqimdin bir az hayajanlanmaqtimen hem özümni nahayiti bextlik hés qilmaqtimen.
Mendin ilgiriki nurghun amérika rehberliri mushu yerdin ish bashlighan.
Mendin kéyinki amérika rehberlirimu mushu yerdin bashlap dawamliq yükselgüsi.
Amérikining uzaq yilliq tarixida hemmimizning töhpisi bar.
Biz shu tapta tarixni üzlüksiz algha sürmektimiz.
Emma biz uning qeyerde axirlishidighanliqini körelmeymiz.
Bu bir yéngi dunyaning tereqqiyat tarixi, kéyinkiler aldinqilarning izini basidighan tarixtur.
Bu amérika qulluq jem'iyettin tereqqiy qilip, erkinlikni qedirleydighan jem'iyetke aylan'ghan tarix.
Bu amérikining dunyani igiliwélish we boysundurush tarixi emes, belki dunyani qoghdash we himaye qilish tarixidur.
Mana bu amérika tarixi.
U bir milletning mukemmel tereqqiyat tarixi bolmastin, belki birqanche ewlad kishilerning ulugh we ebediylik ghayining yétekchilikide ittipaqliship küresh qilghan tarixidur.
Bu ghayilerning ichide eng ulugh bolghini shu tapta asta-asta emelge éshiwatqan amérikining wedisidur.
U bolsimu -- «hemme ademning tughulushidinla öz qimmiti, netije yaritish we muweppeqiyet qazinish pursiti bar» dégendin ibaret.
Amérika xelqning zimmiside bu wedini turmush we qanunda réalliqqa aylandurushtin ibaret bir xil burch bar.
Gerche ilgiri dölitmizde bu wedini réalliqqa aylandurushqa bolghan urunushlar toxtap qalghan, hetta chékinip ketken bolsimu, emma biz yenila qet'iy tewrenmestin bu wezipini tamamlishimiz lazim.
Aldinqi esirning köp qismida amérika erkin démokratiyisining étiqadi goya dolqunluq déngizdiki quram tashqa oxshaytti.
U hazir xuddi shamalgha oxshash erkinlikning uruqini her bir milletke yetküzüp bermekte.
Démokratiye -- bizning dölitimizdikila bir xil étiqad bolmastin, belki u pütkül insaniyetning arzusidur.
Biz démokratiyeni yalghuz özimizla igiliwalmaymiz, belki köpchiliknimu uningdin teng behrimen qilishqa pütün küchimiz bilen tirishimiz. Démokratiyini qelbimizge pükimiz hemde uni üzlüksiz tarqitimiz.
225 Yil ötüp ketti.
Biz mangidighan yene nahayiti uzaq yollar bar.
Nurghun puqralar muweppeqiyetke érishken bolsimu, emma beziler öz dölitining bergen wedisidin, uning adilliqidin gumanlanmaqta.
Meghlup bolghan maarip, yoshurun yüzekiy qarash we kélip chiqqan muhit bezi amérikiliqlarning ulughwar ghayisi we yüksek iradisini cheklep qoydi.
Bezi chaghlarda bizning ayrimchiliqimiz shu qeder chongqurliship kétiduki, biz gerche bir quruqluqta turuwatqan bolsaqmu, emma xuddi bir döletke mensup emestek qilip kétimiz.
Biz bundaq ayrimchiliqni qobul qilalmaymiz hem uning mewjut bolup turushighimu yol qoyalmaymiz.
Bizning ittipaqliqimiz we birlikimiz her bir ewlad rehberler we her bir puqraning keskin burchi.
Men tentenilik halda shundaq qesem bérimenki:
Men choqum adil, pursetler bilen tolghan, birlikke kelgen bir dölet qurup chiqish üchün pütün küchüm bilen tirishimen.
Men bilimen, bu bizning nishanimiz, chünki, tengri bizni özining sheklide apiride qildi, tengrining hemmidin üstün turidighan küch - qudriti bizni algha ilgirleshke yétekleydu.
Biz bular üchün ittipaqlishimiz hemde bizni yétekleydighan prinsipqa toluq ishinishimiz lazim.
Qandashliq, nesep we makan ezeldin amérika bilen birlisheligen emes.
Peqet ghayila bizning qelbimizni tutashturalaydu.
Özimizdin halqip shexsiy menpeitimizdin waz kechken waqtimizdila, andin puqraning némilikini tedrijiy chüshinip yételeymiz.
Her bir bala bu prinsiplarni öginishi kérek.
Her bir puqra bu prinsipta qet'iy ching turushi kérek.
Her bir köchmen peqet mushu prinsipni qobul qilghandila,andin bizning dölitimiz yoqalmaydu belki téximu amérikiche alahidilikke ige bolalaydu.
Bügün biz bu yerde bir yéngi étiqadni tekitlep ötimiz.
Yeni, biz kemterlikni, jasaretni, hésdashliqni we xaraktérimizni jari qildurush arqiliq dölitimizning ghayisini emelge ashurimiz.
Amérika özining bügünkidek eng güllen'gen we qudret tapqan dewrdimu kemter, qaide - yosunluq, edep - exlaqliq bolushtin ibaret prinsipni untup qalghini yoq.
Bir medeniy jem'iyet herqaysimizning adil, heqqaniy, bashqilarni hörmetlerydighan, keng qorsaq, ésil peziletlik bolushimizgha muhtaj.
Beziler bizning siyasiy tüzümimizni «shu qeder nachar» dep qaraydiken. Chünki, tinchliq dewride biz talash - tartish qiliwatqan témining héchnimige paydisi yoqmish.
Emma bizning amérikigha nisbeten éytqanda, biz talash - tartish qiliwatqan téma hergizmu kichik ishlar emes.
Mubada tinchliq ishlirigha biz rehberlik qilmaydikenmiz, u chaghda tinchliq ishlirigha rehberlik qilidighan adem chiqmay qalidu.
Mubada biz özimiznila yéteklep, balilirimizning bilimni chin qelbi bilen qizghin söyishige, ularning xaraktérini jari qildurushqa yétekchlik qilmisaq, balilarning talanti jari qildurulmay qalidu - de, ghayini emelge ashurush müshkülge toxtaydu.
Mubada biz munasip tedbir qollinip, iqtisadning chékinip kétishini tosup qalmaydikenmiz, undaqta eng zor ziyankeshlikke uchraydighini axirqi hésabta yenila puqralar bolup qalidu.
Biz dewrning sadasigha her waqit qulaq sélishimiz kérek.
Kemter, edeplik bolush -- urush taktikisimu, héssiyatqa bérilip ish qilishmu emes.
Tenqid sadaliri ichide ishenchni qolgha keltürüsh, malimanchiliq ichidin birlikni izdesh -- mana bu bizning eng muqerrer tallishimizdur.
Biz mushu wedimizge emel qildighanla bolsaq, choqum ortaq muweppeqiyet qazinalaymiz.
Amérikining özige qalqan bolidighan qudretlik dölet küchi bar, u choqum baturane algha ilgirileydu.
Bizning xelqimiz urush dewridiki qiyinchiliq we chüshkünlükler aldida cheksiz baturluq körsetti. Ortaq qiyinchiliqimizni yéngip, ésil pezilitimizni namayen qildi.
Biz hazir tallashqa duch kéliwatimiz.
Mubada tallishimiz toghra bolidiken, ejdadlirimizning rohi bizni choqum yöleydu.
Mubada tallishimiz xata bolidiken.Ejdadlirimizning rohi choqum qorunup qalidu.
Tengri bu döletke ghemxorluq qilmaqta.
Biz choqum jasaritimizni namayen qilip, mesililerge yüzlinishke jür'et qilishimiz, uni ewladlirimizgha tewerük qaldurup qoymasliqimiz kérek.
Biz ortaq tirishishimiz, amérika maaripini mukemmelleshtürüshimiz, saghlamlashturushimiz, bilimsizlik we chüshkünlükning yashlirimizning hayatini yutuwétishige yol qoymasliqimiz kérek.
Biz dawalinish sughurtisi we ijtimaiy sughurta tüzümini islah qilip, imkaniyitimiz yar bergen dairide balilirimizni qutquzwélishimiz kérek.
Biz bajni kémeytishimiz, iqtisadni eslige keltürüp, tiriship japaliq ishlewatqan amérika xelqige heq bérishimiz kérek.
Biperwaliq awarichilik élip kélidu.
Shunga apetning aldini élishimiz lazim.
Biz yene qoral-yaraghlarning köpiyishini cheklep, yéngi esirni térorluqning tehditidin xalas qilishmiz kérek.
Erkinlikke we bizning dölitimizge qarshi turidighan kishiler bilishi kérekki,
Amérika xelq'araliq ishlargha yenila aktipliq bilen qatniship, dunya küchining tengpungluqini dawamliq saqlaydu.
Erkinlikning küch-qudritini pütkül yersharigha omomlashturidu.
Bu tarixning tallishi.
Biz ittipaqdash döletlerni qoghdaymiz.
Menpeetimizni asraymiz.
Biz dunya xelqige kemterlik bilen öz nishanimizni ipadileymiz.
Biz ulugh millitimizning özide hazirlighan qimmet qarishini pütün dunyagha teshwiq qilishimiz kérek.
Güllen'gen dewrde turuwatqan bügünki amérikida hésdashliq hergizmu kemchil emes.
Biz özimizni bésiwélip oylinip köridighan bolsaq, chongqur yiltiz tartqan namratliqning dölitimizning wede bérishige esla erzimeydighanliqini chüshinip yételeymiz.
Meyli biz namratliqning sewebige qandaq qarimayli, choqum étirap qilishimiz kérekki, balilarning xeterge tewekkül qilishi hergizmu ularning sewenlik ötküzgenlikige barawer emes.
Öz meylige qoyuwétish bilen kelse - kelmes ishlitishni tengrimu yaqturmaydu.
Bularning hemmisi söygüning kemchil bolghanliqini netijisi.
Gerche türmilerning köpiyishi qarimaqqa zörüriyettek körünsimu, emma bu bizning qelbimizdiki «hemmila adem qanun - intizamgha riaye qilish kérek» dégen arzuyimizning ornini basalmaydu.
Qeyerde azab - oqubet bolidken, bizning wezipimiz shu yerde.
Biz üchün éytqanda, yardemge mohtaj boluwatqan amérikiliqlar hergizmu iler emes, belki ular bizning puqralirimiz.
Ular bizge yük emes, belki yardimimizge jiddiy mohtaj boluwatqan obyéktlardur.
Biraw ümidsizlik patqiqigha patqanda, hemmimiz buningdin iztirapqa chökimiz.
Hökümet ammiwi bixeterlik we köpchilikning saghlamliqigha, xelqning hoqoqi we maaripqa nisbeten zor mes'uliyetni öz üstige élishi kérek.
Emma hésashliq yalghuz hökümetningla mes'uliyiti emes, belki u pütkül döletning burchi.
Bezi éhtiyajlar shu qeder texirsiz,
Bezi jarahetler shunchilik chongqur ikenki,
Uninggha peqet ustazlarning köyümchanliqi,
Bastirlarning duasila shipa qilidu.
Meyli chérkaw yaki xeyr - saxawet organliri bolsun,
Yehudiylarning zalliri we yaki meschitler bolsun,
Hemmisi bizning jem'iyitimizge özige xas adimiylikni bexsh etti.
Shuning üchün ular bizning qurulush (mimarchiliqmiz) we qanunlirimizda hörmetlinishke tégishlik.
Dölitimizdiki nurghun kishiler namratliq azabining qandaq bolidighanliqini bilmeydu. Emma biz bu jehette hés tuyghusi chongqur kishilerning izhar qilghanliridin uning qandaq bolidighanliqini chüshineleymiz.
Men qesem qilimenki:
Bizning jem'iyitimiz shundaq bir menzilge yétip baridu, yeni uzaq seperge atlan'ghan bir yoluchining seper üstide yarilinip yolda yétip qalghanliqini körgen waqtimizda, buninggha biz hergizmu bir chette qol qoshturup qarap turalmaymiz.

(«Miras» jhornilidin)
Menbe: http://www.ruclan.cn/bbs/read.php?tid=361