Xoshlisish
SABIT UYGHURIY
Men édim uyghur oghli Sabit dégen,
Bexitsiz millitimning ghémin yégen.
Intildim, arminimgha yételmidim,
Shunchilik qisqa éken ömür dégen.
Ot édim yalqunlighan öchtüm endi,
Hayatliq duniyasidin köchtüm endi.
Samada chaqnighan bir yultuz édim,
Quyulup qara yerge chshtüm endi.
Men kettim tünde aqqan yultuz bolup,
Weten qaldi söyelmigen bir qiz bolup.
Arqamda "Uyghurname" kitap qaldi,
Yashighan hayatimdin bir iz bolup.
Kitawim elge sunghan hediyem méning,
Uni oqar ewladim, newrem méning.
Qebremni izdimenglar qara yerdin,
Xelqimning jürigide qebrem méning.
(Sabit Abduraxman (Uyghuriy) hayatliqtin menggüge kétiwatqanlighini
sezgendek-bilgendek bu shéirni wapat bolushidin tört-besh kün ilgiri
yézip qaldurghan éken).
____________________________________
Shair sabit uyghurining qisqiche terjimihali
Qazaqistanliq uyghur shair we tarixchi sabit abduraxman uyghuri 1928 - yili noyabirda uyghurlarning tarixi ana yurtlirining biri bolghan yettisuda, hazirqi qazaqsitanning almuta wilayiti chilek nahiyisi qara toruq yézisida tughulghan. 2005 - Yili 14 - iyulda mashina hadisisige uchrap qaza qilghan,
Sabit abduraxmanning «hayat naxshiliri» namliq shéirlar toplimi kona uyghur yéziqida 1999- yili almutida neshir qilinip, jamaet bilen yüz körüshti.
«Hayat naxshiliri» toplimi shairning 1944- yildin 1999- yilghiche yézilghan shéirliri, balladiliri we dastanliri bolup 250 din ushuq shéir, yüzlep rubaiy we parchilarni öz ichge alidu.
Shéirlar özining mezmuni we yézilghan dewrige qarap, 7 bölümge bölün'gen:
1- «Küresh naxshiliri»(1944-1949)
2- «Tang» naxshiliri»(1949-1957)
3- «Köngül kuyliri»(1949-1957)
4- «Zindan naxshisi»(1958-1981)
5- «Hijran naxshisi»(1982-1992)
6- «Istiqlal naxshisi»(1992-1999)
7- «Tepekkur durdanliri» din ibaret.
Bu toplam shairning 50 yildin ushuq japaliq emgikining miwisi bolup, uning ijadigha zeng sélip qaraydighan bolsaq, weten we xelqqe bolghan muhebbet shair ijadiyiting bash témisi, asasi mezmuni bolghanliqini körimiz.
*********************************************
没有评论:
发表评论